'n Dag buite

Die weer is dié tyd van die jaar net wonderlik. Elke dag is 'n stuk seën en genade. Herfs is en bly my gunsteling seisoen. Dit was hoogtyd om die vetplanttuintjie bietjie op te kikker. Ek en ou Jacob het gister ure daar spandeer: klippies skoongewas, kompos bygegooi, verplant, herrangskik, skoongemaak, oorgepak. En nou is my tuintjie weer pragtig en gereed vir die koue winter wat voorlê. Gelukkig kom kuier die lekker louwarm sonstrale elke dag hier en is die plante tevrede....en 'n lus vir die oog!

Common Name: Turk's cap,” “melon cactus” (or simply “melon”)

 Nà die verwoestende haelstorm van 'n paar maande gelede het die "flapjack" darem weer mooi herstel. Naam: Succulent plant Kalanchoe thyrsiflora (Paddie Plant, Flapjacks, Desert Cabbage)

 Wollerige woestynrosies. 

 'n Kaktus en sy kindertjies.

 "Sticks on fire"....ek wil dit uitplant in 'n groter pot! In die wintermaande is die punte 'n aantreklike rooi kleur.
Actually, this plant has many, many common names. Among them are firestick plant or sticks on fire, Indian tree spurge, naked lady, pencil tree or pencil cactus (although it is not a cactus), and milk bush. That last name comes from the sticky sap that is produced when you cut a section. Gardening With Nature: Thanks!

 Twee "kunsfoto's!" 

Links voor: Common Name: Turk's cap,” “melon cactus” (or simply “melon”) Haasoortjies teen die muur. 

 Vygies....blom goudgeel met tye. 

 Echeveria, crassula, kaktus en "vet vingertjies"... 

Noto Cactus Magnificus

 Garingbome geplant waar daar genoeg ruimte is en hulle na hartelus kan groei en niemand pla nie! 

Tog te mooi ! 

Vetplante

Die wonderlikste plante onder die son! Nie baie afhanklik van water nie en altyd immergroen en mooi! Mens plant elkeen van hierdie (soms) doringlyfies met liefde in jou hande en as jy weer kyk, het dit sommer in veelvoud aangewas en kleintjies gekry. Ek kan my ook verkyk aan die verskillende teksture en vorms, enige kunstenaar se droom! Die flapjack se blare is 'n sagte blougroen, lyk soos iets wat onder in die see kan groei!  

Hier is 'n mooi voorbeeld van 'n kaktus wat vermeerder het met die jare. Eens was dit net een ronde bolletjie dorings en kyk nou!

Sedum, of soos ek dit maar vir myself noem, "vet vingertjies" is van die maklikste groeiers ooit en vertoon baie mooi in enige tuin.

Kleur in die tuin

O, die son skyn weer! Hoera, hoera! Vanjaar was ons betyds met die kraalmis-en komposmengsel, want net nà ons dit uitgestrooi het, val die lieflike reën! Ek raak sommer opgewonde as ek dink hoe mooi die tuin gaan word in die komende dae. Mag jou somerseisoen ook oorloop van helder kleure en vele vreugdes! 

Drie splinternuwe laventels en 'n klein kaktus met geel blomme het kom vastrapplek soek in ons erf. Die donker en ligpienk camelia japonicas blom en in die hoek onder die karee is daar 'n hele paar boslelies (clivias) te sien.

Nog steeds vetplante

Hoe meer ek oor vetplante lees, hoe meer wil ek weet. Ek vergeet die name, baie lyk so eenders, mens raak skoon verward. Tog weet ek, ek sal tot in lengte van dae vreugde kan vind in die wonder van hierdie unieke plante. Doringbedekte bolle wat die mooiste blomme produseer, grysvaal blare wat kartel en vou om 'n allerlieflike vertoning te maak iewers in 'n vaal hoekie in jou tuin en altyd-tevrede. Altyd tevrede en altyd mooi, dit is kaktusse en vetplante se beste eienskap. Hoe baie kan mens nie net uit die natuur leer nie! 

Hier is die yslike "Eve's Needle" ('n deel daarvan) wat teen die paatjieheining in ons agterplaas groei. Lank, lank gelede was dit net 'n 2cm. lange stukkie kaktus. En al wat ek gedoen het, was om dit in die grond te druk. Wees maar versigtig as jy naby daardie lang dorings doenig raak. Ek het iewers gelees dat die plant pienk /rooi blomme produseer. Sal dit nie pragtig wees nie! 

  Yslike blare van  'n garingboom of -plant. 

Nêrens kan jy 'n mooier pienk blom as by hierdie doodgewone kaktus kry nie. Een hele dag lank! 

 En hierdie een noem ek sommer "Ouman se baard". Ouman het intussen ook 'n jong knapie langs hom bygekry. Dis nog 'n heerlikheid van vetplante, dit vermeerder so maklik en so gou.