29/05/2012

As ek eendag groot is



As ek eendag groot is
wil ek 'n sterk man hê,
ene wat nes my pappa
'n mondvol dinge sê!

 
As ek eendag groot is
wil ek 'n mamma wees -
Ek wil sewe kinders grootmaak
en vir hul stories lees!

As ek eendag groot is
wil ek ver, ver weg gaan reis
na vreemde lande kyk
en eet van hulle vleis!

Maar nou is ek nog klein
en sit nog in Graad Een:
'n regte stoute snipsnater
en 'n parrabeen!

Elizabeth Kendall ©

No comments:

Post a comment