Hier waar my voorste tandjies was
is nou 'n groot, oop plek
dit voel omtrent so wyd
soos Pa se motorhek!
Ek druk my tong daardeur
en wikkel ook my ore -
die meisies in ons klas sê:
"Hy is seker so gebore!"
Wat hulle nou nog gladnie weet
is dat ek oor 'n jaar of tien
die mooiste glimlag uit gaan pak -
dìt sal hul self nog sien!
Hul beentjies sal so bewe,
hul hartjies sal so klop...
en ek sal stilweg glimlag -
Ou Tandmuis is gefop!
Elizabeth Kendall ©
