Showing posts with label mooi. Show all posts
Showing posts with label mooi. Show all posts

30/05/2014

Mooi prentjies is belangrik

In die tyd waarin ons lewe is dit lewensbelangrik om elke dag iets moois raak te sien en te geniet. Ons onlangse besoek aan die Kaap en veral Bloubergstrand teen sonsaktyd het gesorg vir heelwat sulke kosbare oomblikke. 
Goue aande met donker silhoeëtte op die strand afge-ets groei vir altyd vas teen my kunstenaarshart. Ek wil dit ewig onthou. Ek wil daarna kyk as die wêreld die dag kwyn soos 'n garsland wat doodgaansiekte het. Ek wil die warm kleure van sulke aande soos 'n toemaarkombers om my draai. En ek wil dit ook met jou wat hier lees, deel. 










Dis eers as mens kennis gemaak het met die lewe se donker kant, dat jy die mooi in die lewe anders bekyk en ernstig(er) opneem. My mooi herinneringe is vir altyd vasgevang in die prentjies hierbo. 

30/05/2012

Blou voël


Blouste blou voël op die tak
hoe weet jy as die son gaan sak,
hoe weet jy waar die winde waai
en of die hoenderhaan
weer vroegdag kraai?



Jy sit so lekker rustig daar
jou stertjie is 'n klawerblaar,
jou ogies sien so alles raak -

jy het my dag weer mooi gemaak!

Elizabeth Kendall ©